Seleziona dizionario:

Sinonimi e Contrari Friulani

che coninun., pron.

  1. [it. che1 pron.rel.] (cun funzion di subiet o di complement diret) i dîs che a passin, la musiche che o scolti, lis fantatis che o cognòs, il cjan che al vuache
    (cun valôr coniuntion) to fradi al è di là che al studie, al è passât un siôr che mi cirive, al è cun lui che o soi a vore
  2. [it. che1 pron.rel.] (cun funzion di complement indiret) l'an che mi soi iscrit ae universitât, ve ca il libri che ti disevi
  3. [it. che2 coniun.] (denant di proposizion obietive, proposizion subietive e proposizion declarative, cul verp tal indicatîf o tal coniuntîf) o viôt che tu sês rivât, al somee che al vignarà plui frêt, o crôt che tu vebis reson, si pensave che e sarès lade ben
  4. [it. che2 coniun.] (denant di proposizion causâl cul verp tal indicatîf o tal coniuntîf) cjape sù la ombrene, che al plûf
  5. [it. che2 coniun.] (denant di proposizion consecutive cul verp tal indicatîf o tal coniuntîf) al fevele che al somee un libri stampât, al è tant brâf che al somee un professionist
    (in locuzion coniuntive) al à sfadiât in misure tâl che cumò al è strassomeât, o sin rivâts al pont che non si sa plui ce fâ
  6. [it. che2 coniun.] (denant di une proposizion finâl cul verp tal coniuntîf) mi clamin che o ledi cjase, ti àn telefonât che tu consegnis il lavôr doman
  7. [it. che2 coniun.] (denant di proposizion temporâl cul verp tal indicatîf) al partìs di cjase a buinore che al è ancjemò scûr, a son cinc agns che si cognossìn
    (postponût a di un participi passât prime dal verp jutori) mangjât che al veve si è metût a durmî
    (in cetantis locuzions) prime che e finissi la setemane, daspò che o sarai partît, ogni volte che o voi in chel zardin lu viôt
  8. [it. che2 coniun.] (denant di proposizion condizionâl cul verp tal coniuntîf in ciertis locuzions) tal câs che al coventi o sarai a disposizion, met che si fasi cussì, si sparagnarà
  9. [it. che2 coniun.] (denant di proposizion ecetuative, daspò di une frase negative) al reste dome che acetâ la situazion, no i mancjave altri che chel incident
    (in locuzion coniuntive) gjave che a te, il spetacul i è plasût a ducj, in fûr che al plovi o pensavi di fâ un zîr in biciclete, se nol fos che al è za partît, si varès di domandâi ce che al pense
  10. [it. che2 coniun.] (denant di proposizion limitative cul verp tal coniuntîf) che o sepi jo, no son gnovis
  11. [it. che2 coniun.] (denant di proposizion otative o imperative cul verp tal coniuntîf) che Diu lu strafulmini!, che al fasi di premure!
    (denant di proposizion concessive cul verp tal coniuntîf) se al vûl, che al si fermi ancje
  12. [it. che2 coniun.] (si lu dopre a larc in comparazions, par introdusi proposizions compararativis esplicitis, cul verp tal condizionâl, tal coniuntîf o tal indicatîf) fâ miôr che si pues, cori plui svelt che si rive
    (denant dal secont tiermin di paragon in alternative a 'di' che al è obligatori in altris situazions) miôr chest che no chel altri, al è plui svelt a studiâ che no a lavorâ
    fam. (denant dal secont tiermin dal comparatîf di avualance) al à vût dam tant chest mûr che chel
    (al forme espressions di valôr superlatîf) jessi plui sigûr che mai, vê tante premure che mai
  13. [it. che2 coniun.] (al à funzion di coordenament in espressions corelativis) sei che nus plasi, sei che no nus plasi, sei che al rivi, sei che no o ancje che al rivi o che nol rivi
    (ancje impropri tal puest de espression corelative) sei chest che chel
  14. [it. piuttosto che loc.coniun.] (par introdusi alc o une azion che po si sostituìs cun altri o cuntune altre) al veve miôr di lâ a pîts che cu la machine
  15. coloc. [it. quando coniun.] (introdusint une proposizion relative temporâl) si sin cognossûts l'an che mi soi diplomât
  16. [it. quanto1 adi.rel.] (in corelazion cun 'tanto') e je tant inteligjente che buine
  17. [it. quanto1 av.] (in proposizions comparativis par introdusi il secont tiermin di paragon) tant grant e tant bon o ancje tant grant che bon, plui che tu studiis, plui che tu sâs
  18. [it. se non loc.coniun.] (cun valôr di limitazion, cun denant une proposizion negative) a chest pont de situazion nol pues fâ altri che molâ la presidence o ancje al pues dome che molâ la presidence, nol fâs nuie gjavât che tabaiâ