Selezione dizionari:
Sinonims e Contraris Furlans
rispueste s.f.
- burocr. [it. esito s.m.] (risultât di une domande)
- fig. [it. rispondenza s.f.] (efiet di une situazion nassude gnove) une rispueste negative dal marcjât azionari
- [it. risposta s.f.]
(il rispuindi e il so risultât)
une rispueste creançose, la domande e jere dificile al à vût di pensâ ben prime di dâ une rispueste
(cun daûr une proposizion declarative) la sô rispueste e je stade che si saressin sintûts cence fal plui indenant(scrit li che si rispuint) la mê rispueste ti rivarà in pôcs dîs
- fam. [it. risposta s.f.] (repliche cence creance a un superiôr, spec. a un gjenitôr, a un mestri o sim.) cemût ti permetistu di dâ une rispueste di chê fate a tô none?
- [it. risposta s.f.]
(intal lengaç des scuelis di base, formulazion verbâl dai risultâts otignûts inte risoluzion di un probleme di matematiche)
- sinonims
- risoluzion, soluzion
- [it. risposta s.f.]
(parê tecnic)
spietâ la rispueste des analisis
- sinonims
- risultât
- [it. risposta s.f.]
(reazion, spec. a peraulis o ats di ostilitât)
la rispueste miôr in cierts câs e je tasê
- sinonims
- reazion
- sport [it. risposta s.f.]
(colp o tîr fat in rispueste a une azion dal aversari) (tal tenis e tal volleyball, colp di bale che si fâs sul tîr di batude dal aversari)
- mus. [it. risposta s.f.] (te fughe, il tornâ a cjapâ sù il teme principâl de bande des vôs che lu intonin pe seconde o pe cuarte) la rispueste reâl e imite il teme cemût che al è, la rispueste tonâl lu cjape sù e lu modifiche
- lit. [it. risposta s.f.] (te salmodie responsoriâl catoliche, rispueste dal côr ae vôs dal solist)
- biol. [it. risposta s.f.] (ogni procès organic che al ven daûr di une stimolazion naturâl o artificiâl esterne)
- med. [it. risposta s.f.] (ogni reazion di un orghin a un intervent terapeutic o sperimentâl)
- etol., psic. [it. risposta s.f.] (ogni reazion a une solecitazion ambientâl)
- tecn. [it. risposta s.f.] (compuartament di un aparât cuant che si variin lis cundizions di funzionament) i frens di cheste auto a àn une buine rispueste