Selezione dizionari:
Dizionari Talian Furlan
Il plui complet dizionari dal Talian al Furlan (passe 76.000 lemis), otignût de integrazion dal Grant Dizionari Bilengâl Talian Furlan dal CFL2000 cul Dizionari Ortografic Furlan de Serling.
Istruzions pe ricercje avanzade
Note: La mascare de ricercje avanzade e ten memorie des cundizions dadis. Inalore, se si vuelin fâ altris ricercjis avanzadis, bisugne visâsi di gjavâ vie prime lis cundizions che no interessin une par une o dutis intune cul boton Scancele dut.
Cundizion de peraule-leme taliane
Se si vûl che la liste e vedi lemis monorematics o polirematics o confìs che a contegnin un ciert leme intîr o un bocon si scrîf il leme, o il bocon di leme, tal spazi di scriture indicât cun leme o bocon di leme. Se si scrivin dome bocons di leme, si à di visâsi di meti il segn * pes parts che a mancjin. Se no si dan indicazions, si intint che no si metin limits a la ricercje considerade.
Cundizions di limit superiôr e inferiôr
Cu la cundizion indicade cun Limits di: a: si pues strenzi la liste, che e ven fûr in ordin alfabetic, di un limit superiôr a un limit inferiôr determinâts. Par esempli, si pues vê dome i lemis che a van de letare c ae letare p, o dal leme ballo al leme colpo.
Se no si dan indicazions, si intint che si vuelin dutis lis peraulis, dal a al z.
Cundizion dal gjenar di peraule-leme taliane
Si pues sielzi di vê tai risultâts dome lemis monorematichs, o dome polirematics, o dome confìs o une cumbinazion dai gjenars. Par impostâ la sielte si cliche i cuadreluts dongje de indicazion Monorematichis, Polirematichis e Confìs
Se no si da nissune indicazion, in nissune des trê categoriis, si intint che la liste lis presente dutis. Dome se si da une o plui indicazions, la liste e presente lis peraulis che a jentrin in chês e dome in chês categoriis indicadis.
Cundizions di sinonims, contraris e fraseologjie de bande taliane e di definizions e fraseologjie de bande furlane
Dongje des cundizions sore ditis si puedin zontâ ancje altris, sedi de bande furlane che de bande taliane, dutis chês indicadis sore. Chi la cundizion e sta tal scrivi une peraule interie o un toc di peraule o di frase (in chescj ultins câs tra doi asteriscs, p.e.: *par* o *par plas*) intes categoriis de fraseologjie o te categorie de definizion par che la ricercje e meti fûr i lemis che a contegnin chês peraulis (scritis interiis) e chei tocs di frase dentri te categorie indicade.
Se no si sielç nissune cundizion sot di chestis categoriis, si intint che la liste des peraulis e presentarà peraulis di dutis lis categoriis no indicadis, cence cundizions.
Cundizions di ricercje tal Vocabolari di base
Cuant che si met ancje la opzion Voc. di base si intint che il leme al à di jessi cirût dome tal vocabolari di base; ven a stâi la marcje di ûs dal leme e à di jessi FO o ÛA o DA.
Cundizion di ricercje esclusive
E je la ricercje che e da dome i lemis cu la marcje di ûs sielzude. Cheste cundizion di ricercje no si pues cumbinâ cu lis opzion pe ricercje jerarchiche e pe ricercje tal vocabolari di base.
Cundizion di ricercje jerarchiche
E je la ricercje che e da i lemis de marcje sielzude injù. Par esempli se si sielç la marcje CO, si varan tai risultâts i lemis cun marcje CO, ÛB e FÛ. Cheste cundizion di ricercje no si pues cumbinâ cu la ricercje esclusive.
Cundizions di marcje di ûs, di categoriis gramaticâls, di cjamp e di modalitât e contest
A son cinc i gjenars di categoriis che si presentin elencadis in ordin alfabetic in cuatri colonis.
Clicant tal cuadrelut dongje di une indicazion si ative la sielte de categorie di chel gjenar. Si puedin sielzi une o plui categoriis. Te liste a vignaran fûr dome i lemis che a jentrin tes categoriis sielzudis di chel gjenar.
Se no si sielç nissune categorie di un dai cuatri gjenars, si intint che la liste dai lemis e presentarà peraulis di dutis lis categoriis di chel gjenar.