Selezione dizionari:

Sinonims e Contraris Furlans

bocje s.f.

  1. [it. abboccatura s.f.] (viertidure di un recipient) la bocje de verie
  2. [it. bocca s.f.] (viertidure che tal om e tai animâi e je il prin toc dal aparât digjerent, leade tai vertebrâts al aparât respiratori, e che tal om e je ancje orghin de fonazion, e e cjape dentri lavris, dincj, cîl de bocje e lenghe) metisi la sedon in bocje, tignî il termometri in bocje, vierzi e sierâ la bocje
  3. [it. bocca s.f.] (la part esterne, chê dai lavris) une bocje largje, une bocje piçule, une bocje di for, une bussade su la bocje, stuarzi la bocje
    sinonims
    lavris
  4. coloc. [it. bocca s.f.] (la part dai dincj) il dentist mi à dite che o ai une biele bocje
    sinonims
    dincj
  5. [it. bocca s.f.] (persone tant che unitât tal calcul di int che e consume)
    sinonims
    panze
  6. stor. [it. bocca s.f.] (contribuent di cierts tribûts)
  7. [it. bocca s.f.] (viertidure di un recipient o di alc di vueit) la bocje dal vâs, la bocje dal sac, la bocje dal for
    sinonims
    imbocjadure
    idraul. (acès o spazi di là che si discjarie il licuit) la bocje o ancje la lûs di scaric e je stropade
  8. arm. [it. bocca s.f.] (buse anteriôr di une arme di fûc) la bocje dal canon
  9. gjeogr. [it. bocca s.f.] (ognidune des jentradis di un flum tal mâr)
  10. gjeol. [it. bocca s.f.] (buse sul front di un glaçâr, di là che al risulte il flum glaciâl)
    sinonims
    puarte
  11. vulcanol. [it. bocca s.f.] (viertidure terminâl dal cratêr di un vulcan) la bocje principâl no je ative di dodis agns incà
  12. gjeogr. [it. bocca s.f.] (jentrade strente di un golf o di une jentrance di cueste ample) la bocje dal puart, la bocje dal golf
  13. gjeogr. [it. bocca s.f.] (pas di mont) la bocje de valade
  14. fig. [it. fonte1 s.f.] (persone, orghin, organizazion che a dan informazions) vê notiziis di une bocje sigure o ancje di buine bande
    sinonims
    canâl, font
  15. [it. imboccatura s.f.] (viertidure) la bocje di un vâs
    sinonims
    jentrade, viertidure
    (jentrade) la bocje di une galarie
    sinonims
    jentrade, viertidure
  16. [it. imbocco s.m.] (jentrade) la bocje dal tunel
    sinonims
    jentrade, viertidure
    contraris
    jessude, sboc
  17. fig. [it. palato1 s.m.] (gust, il sens dal gust) jessi di bocje delicade
  18. fig. [it. palato1 s.m.] (cui che i plâs la buine cusine) tu sês une buine bocje o ancje une buine possade, nuie ce dî!
  19. [it. sbocco s.m.] (puest li che si vierzin o a finissin une galarie, un landri e v.i.) la bocje di jessude dal tunel
    sinonims
    viertidure
  20. [it. smorfia1 s.f.] (alterazion volontarie de espression de muse solite, fate par solit par cjoli vie o par mateç)
    sinonims
    gheade, gjeromete, mignasse, sbeleade, sberlef, slichigneç, viers
  21. tecn. [it. ugello s.m.] (dispositîf che al è te terminazion di un condot par fâ cressi la velocitât di jessude di un fluit)