Selezione dizionari:

Sinonims e Contraris Furlans

stomi s.m.

  1. [it. disgusto s.m.] (sensazion brute, di riviel)
    sinonims
    sens, sens di stomi, stomeament, volt di stomi
    contraris
    atrat, atrazion, gust, plasê
    fig. (repulsion, aversion) la sô disonestât mi fâs riviel o ancje mi fâs stomi
    sinonims
    sens, sens di stomi, stomeament, volt di stomi
    contraris
    atrat, atrazion
  2. [it. orrore s.m.] (sens di refût)
  3. [it. repulsione s.f.] (sensazion, massime fisiche, di contrarietât a alc) e jere une puce che e faseve riviel o ancje stomi, e provave refût e stomi par chês frasis
    sinonims
    orôr, repudi, repulsion, sens
    contraris
    atrat, atrazion, buine voie
  4. [it. ribrezzo s.m.] (sens une vore negatîf e istintîf cuintri di alc) lis pantianis i fasin volt di stomi
    sinonims
    ribreç, sens
    contraris
    gust, plasê
  5. [it. ripugnanza s.f.] (sens di contrarietât une vore fuart e istintîf, che al cjape indentri) un odôr che al fâs stomi o ancje che al fâs riviel
    sinonims
    disgust, orôr, ripugnance
  6. [it. schifo1 s.m.] (sens di ingomeament o disgust par cdn. o par alc, che al è repelent, soç, puçolent o ben imorâl, disonest, ossen e v.i.) ce stomi!, chel cine al fâs vignî volt di stomi
    sinonims
    disgust, ingomeament, magon, magot, mâl di stomi, nausie, nivilece, ribreç, ripugnance, rivesse, riviel di stomi, schifo, stomeece, vilece, voltaleç
    (prove une vore negative des propriis capacitâts) te ultime partide i fantats a àn fat voltâ il stomi
    sinonims
    disgust, ingomeament, magon, magot, mâl di stomi, nausie, nivilece, ribreç, ripugnance, rivesse, riviel di stomi, schifo, stomeece, vilece, voltaleç
  7. [it. stomaco s.m.] (orghin dal cuarp uman jenfri l'esofac e l'intestin) mâl di stomi
    anat. (part dal condot gastroenteric colegât cul esofac a mieç dal cardias e che al continue cul pilôr)
  8. fig. [it. stomaco s.m.] (capacitât di sopuartâ personis o situazions) i vûl vê stomi par lavorâ cun chel smafar
    sinonims
    cûr, fiât
  9. fig. [it. voltastomaco s.m.inv.] (sensazion psicologjiche di riviel par alc che al è moralmentri negatîf) il so razisim mi fâs volt di stomi o ancje stomi
    sinonims
    ingomit, riviel, sens
  10. fig. [it. voltastomaco s.m.inv.] (robe che e fâs riviel o parcè che e je brute o parcè che e je triste di mangjâ o parcè che e puce) ce volt di stomi chês scarpis puçonis
    sinonims
    cragne, porcarie, sens