Selezione dizionari:
Sinonims e Contraris Furlans
strissinâ v.
- [it. strascicare v.tr.]
(traspuartâ alc cence tirâlu sù di tiere)
strissinâ la taule de cusine te sale
(movi alc fasintlu tocjâ masse par tiere)
- fig. [it. strascicare v.tr.]
(tirâ alc in lunc, davuelzilu intun timp che nol finìs mai)
strissinâ o ancje slumbriâ un lavôr par trê mês
- sinonims
- distirâle, slumbriâle, slungjâle, tirâle in lunc
- contraris
- finî, taiâ
- fig. [it. strascicare v.tr.] (mandâ un sun slungjât e monoton) strissinâ la vôs
- [it. strascinare v.tr.]
(puartâ sburtant o tirant cence tirâ sù di tiere)
strissinâ une slite
(movi alc fasintlu tocjâ par tiere) strissinâ lis çavatis
- [it. strascinare v.tr.] (traspuartâ cun violence) il flum al à strissinât jù troncs e cricums
- fig. [it. strascinare v.tr.] (fâ che cdn. al fasi une cierte robe ancje se bessôl no le fasarès) al è stât strissinât a robâ
- [it. strisciare v.tr.] (movi cence tirâ sù) no stâ a strissinâ lis scarpis par tiere
- [it. strusciare v.tr.] (sfreolâ alc cuintri alc altri) strissinâ i pîts pal paviment intant che si cjamine
- [it. trascinare v.tr.] (tirâ daûr alc, fasintlu strissâ par tiere)
- fig. [it. trascinare v.tr.]
(sfuarçâ un di fâ alc)
mi àn strissinât in discoteche
- sinonims
- menâ, strapuartâ, tirâ
- [it. trascinare v.tr.] (di umôr, istint, impuls, paronâ une persone)
- [it. trascinare v.tr.] (cjapâ dal dut la atenzion di scoltadôrs o spetatôrs, esaltâju) lis sôs peraulis a àn strissinât la int
- inform. [it. trascinare v.tr.] (movi un element sul visôr di un ordenadôr cuntun dispositîf di pontament)
- fig. [it. travolgere v.tr.] (fâ pierdi il control di se) si è fat strapuartâ o ancje strissinâ vie de rabie